>Згуртаваньне беларусаў у Вялікае Брытаніі

  

 

Далейшая дзейнасьць

У 1954 годзе пры падтрымцы ЗБВБ было заснаванае Ангельска-Беларускае Таварыства (Anglo-Byelorussian Society), якое ставiла на мэце пашырэньне стасункаў памiж беларусамi й брытанцамi й карысталася  значнай арганiзацыйнай ды фiнансавай падтрымкай ЗБВБ. У шэрагах Таварыства былi шмат якiя вядомыя брытанцы, якiя цiкавiлiся Беларусьсю й прыязна ставiлiся да беларускае справы. Iншымi суполкамi, якiя шчыльна супрацоўнiчалi з ЗБВБ, былi Згуртаваньне Беларускiх Камбатантаў, Беларускае Акадэмiчнае Аб’еднаньне, Саюз Журналiстаў.  Адным з галоўных кірункаў дзейнасьцi ЗБВБ была прэзэнтацыя незалежнiцкiх i дэмакратычных памкненьняў беларусаў ды iнфармаваньне заходняга грамадзтва пра цяжкую сытуацыю на Бацькаўшчыне. Так, ЗБВБ рэгулярна ўдзельнiчала ў т.зв. “Маршы паняволеных народаў”,  які арганiзоўваўся штогод i зьбiраў дэлегацыі прадстаўнiкоў нацыянальных суполак з краінаў, прыгнечаных савецкай iмпэрыяй. 
На здымку: Агульны Сход Акадэмічнага Аб’еднаньня “Жыцьцё”, 1948 г.